مـاجـيـنـة الـعـراق الـجـريـح [الأرشيف] - منتديات اسد العراق الشهيد صدام حسين

مشاهدة النسخة كاملة : مـاجـيـنـة الـعـراق الـجـريـح

ShaMs.-.BaGhDaD

10-09-2007, 10:23 PM

:"
":
:"

ماجينه يا ماجينه ... حلي العقدة وفضينه
لاتعطينا مليشيات ... لخاطر الله تأذينه
لاتعطينا دبابات ... ضاع الدرب الحاجينه

لاتعطينا عساكر... هذا الخاكي ملينه
لاتعطينا دفاتر ... بيها الدم مغطينه

ماجينه يا ماجينه ... حلي الكيس وانطينه
حامض حلو ومصاصات ... قمر الدين وانطينه
شاميه وموطة كرزات ... حب الشُميسه انطينه

انطينه تراب ودعابل ... هم سيفونات انطينه
انطينه بوسه وهلاهل ... طعم الجمار انطينه
ثوب مطرز مراجيح ... ودتنا السما وجينه
تووكي وختيلة ساحات ... بيها الطوبه حبينه
رمان وياس وسعفات ... عطر القداح انطينه

انطينه مصياده وحصوات ... شجر الغابة وهِدينه
ردي عصافير الغابات ... ردي العش الهَدينه

ردي ضحكات الاطفال ... البيها وكعنا ومشينه
ردي صفوف الحبابات ... ردي الشعر الدارينه
ردي انغام البيات ... ردي الصوت الحبينه
ردي عمال الساحات ... ردي البيت اللي بنينه

ماجينه يا ماجينه ... سوي كليجه وانطينه ماجينه يا ماجينه ... ارسمي عراق ورسمينه

تــــحـــيـــاتــي ’،’

ZaiD.Al3obaidi

10-09-2007, 10:50 PM

ماجينه يا ماجينه ... سوي كليجه وانطينه ماجينه يا ماجينه ... ارسمي عراق ورسمينه

من يصير العيد اجيبلج جيس مال كليجه أم التمر

صدك جذب

جم بنوشة عدنا

هيه وحدة ماكو غيرها

ههههههههههههههههههه

درة بغداد

11-09-2007, 02:28 AM

يعطيكِ العافيه بنوشه وندعو من الله تفرج على العراق بحق هذه الايام المباركة

تحياتي وتقديري لكِ

ShaMs.-.BaGhDaD

11-09-2007, 08:30 AM

:"
":
:"

ههههههههههههه زيودي اني اسويلك كليجه مو انت اجيبلي عيني عيني

تسلم خيو على المرور نورت

؛
؛

اختي العزيزه درة تسلمين على المرور و يا رب تففرج عن

عراقنا يا رب ،،

تـــــحــــيـــاتـــي ’،’

حبيبة صدام حسين

11-09-2007, 08:54 AM

رووعة بنوشة
عاشت ايدج
يالله هاي مني الج جيس جكليت وملبس ودعابل واللي تريديه
واني اريد فانتا هههههههههههه

تحياتي

ShaMs.-.BaGhDaD

11-09-2007, 09:20 AM

؛:
:؛
؛:

يبو عليه و على الفانتا اني اصيرلج فانتا بس شنو

فانتا فراوله لو برتقال ،،

تسملين حياتي على المرور بس تره اني اريد حلقوم وردي عيني عيني

تــــحــــيـــاتــي ’،’

RaMoSh

11-09-2007, 09:39 AM

بنووووووووووووو
هههههههههههههههههههه
يمة فدوة الالله انتي تسوين كليجة هسة تحركين المطبخ
هههههههههههههههههه
سانكيو حبي بنوشة

ShaMs.-.BaGhDaD

11-09-2007, 09:42 AM

:"
":
:"

هههههههههههههههههههههه رموشتي لا تجرح مشاعري الطبخيه

ههههههههههههههههه

تسلم گللبي على المرور نورت الكليجه ،،

تــــحـــيـــاتــي ’،’