اكو مشكلة ممكن تلكولنا حل؟

[دمـ ع ـة بـ غ ـداد]

السلام عليكم

شلونكم شخباركم؟؟

اكو شخص عزيز اعرفة و عنده مشكلة ويريد الحل واني انطيته حل

بس احب اعرف حلولكم حتى الواحد ياخذ اكثر من جانب..

المهم

هذا الشخص يعاني انه عنده مثالية زايده بتعامله وياه الناس وما يحب يضايق او يزعل او يجرح احد مع ذالك ما كواحد يحترم هالمشاعر من عنده والاغلبيه ايجرحوه ومايحسون بي
والمشكله الاساسيه انه هو كلش حساس لابعد الحدود لدرجة يتمرض ويموت من القهر ومحد يدري بي
فشلون يبتعد عن هاي الحساسيه الزايدة حاول بس ابد ما كدر
لانها متعبتة كلش و مأذيتة و صار حتى مايكدر ينام هلكد
مايفكر بهالشي
وخصوصا اذا جرحوه ناس يحبهم
وهالانسان كلش طيب ف اتمنى اساعده ..
ف برأئيكم شنو الحل الامثل لهيج مشكلة ؟

[تــۈنـﮧ الدليمي]

موعه اول شي فديت طيبة كلبج واحساسج بالناس الثانيه متدرين شكد هسه حبيتج اني
المهم اني داريد انتظر الحلول بفارغ الصبر
لان والله اني هم اعاني من هذه المشكله

وان شاء الله خير يارب

اموااح كلش فرحت بيج هسه

[دمـ ع ـة بـ غ ـداد]

حبيبت ئلبي قابل شداسوي اني
شي بسيط اقدمة للي احبهم ولو هو مو فدشي يعني بذاك الحجم
بس احب احل مشاكل ثاني شي يين لوما هالمشاكل مجان حبيتيني؟ ههههه اشاقة
هسة نشوف الحلول و اني هم وراها اكول حلي للي كلتة الها يجوز يفيدج
وان شاءالله ماكو مشاكل
فديتوكي منورة ئلبو

[كلي جروح]

عيوني انتي والله يارب يجزاك الجنه يادموعه
بس مبين عليها مشكله عويصه ما الها حل لان الشخص الطيب
حظه مو هوايه بها الدنيا

منوره بالقسم حياتي

[ஓ♥ღهيبة ملكღ♥ஓ]

يبقى مثالي
محظوظ جدا
يجي يوم والناس تتراكض لتراضيه

[بغدادية]

هاي موعةةةةة
تسلمين على مجهوودك
بهل قسم ولله




ولله صدك على كولة ررووح
الطيب صعب يعيش بهل الدنيا
وممكن يبقى مثالي
على كولة ظافررر


بس صحيح المشكلة هاي
صعبة بس ممكن يحاول
شويه شويه يبطل من
هل حساسية الزايدة
حتى يحاول يكدر
يعيش بهل الدنيا











تحية
بغدادية

[دمـ ع ـة بـ غ ـداد]

مشكورين اخوان
بس اتمنى تنطوني بعد حلول اكثر ..

[The Princess]

اولا مبروك افتتاح هالقسم وانشاءلله يفيد الجميع..

بالنسبه للمشكله ..
ماعتقد اكو شخص يتعامل بمثاليه ويتعرض للأذيه..
اكيد اكو شي غلط!
يجوز هو يعامل الي يحبه والي ميحبه بنفس الطريقه!
ويجوز هوه هم يجرح الأشخاص الي يحبونه وبدون ميتقصد هالشي!

تقبلي مروري حبيبتي,,
تحياتي :53:

[ابو عمر الحمداني]

بسم الله الرحمن الرحيم
اللهم صل على سيدنا محمد وعلى آله وصحبه أجمعين
السلام عليكم ورحمة الله وبركاته

اختي دمعه

" من مشى في حاجة أخيه "



الإنسان انعكاس لما يشعر ويفكر ويقوم به من أفعال وسلوك. فإذا كان راغباً بعمل الشيء الطيّب
فإن هذه الرغبة تتحوّل إلى سلوك يومي يقوم بإنجازه بشكل طبيعي دون أي تكلف أو تعب.


فإذا قام إنسان ما بمساعدة شخص ما، بصورة سرّية وبصمت،
ولا يذكرها حتى إلى أقرب الناس إليه، فإن هذه المساعدة
تساهم في إبعاد الروح السلبية عن شعوره وأفكاره، وسوف يحصل عليها أضعافاً مضاعفة،
ليس من الشخص الذي قام بمساعدته بالضرورة،
إنما من الكون الذي ينظر ويشاهد ما يقوم به هذا الإنسان لأخيه الإنسان والله سبحانه وتعالى الذي
(يعلم ما في البر وما في البحر وما تسقط من ورقة إلا يعلمها
ولا حبة في ظلمات الأرض ولا رطب ولا يابس إلا في كتاب مبين).


المساعدة طاقة إيجابية، وهي بصورة غير معروفة حتى الآن تساعد في تفتّح مسارات الطاقة في جسد الإنسان،
التي تسمى 'الشاكرات' في اللغة السنسكرتية، وترفع سقف المناعة في جسد الذي يقوم بمهمة المساعدة.


إن كان مريضاً، من الممكن أن تساهم هذه المساعدة في شفائه من المرض وإن كان يمر بأزمة نفسية أو مالية أو اجتماعية، فإن هذه المساعدة تساعده في التخلص منها أو تفتح له باباً للفرج.


من هنا نرى أن كل الديانات السماوية والأرضية،
وكل الفلسفات التي تقترب أو تبتعد عن تلك الديانات، كلها تدعو، بصورة وأخرى، إلى مثل هذه المساعدة وكلمة 'ساعد أخوكْ في حاجْتِه' من الجمل المهمة في الدين أو المذهب أو الفلسفة أو السلوك.


عن ابن عباس رضي الله عنهما، عن النبي صلى الله عليه وسلم قال:
'من مشى في حاجة أخيه كان خيراً له من اعتكاف عشر سنين ومن اعتكف يوماً ابتغاء وجه الله جعل الله بينه وبين النار
ثلاثة خنادق كل خندق أبعد مما بين الخافقين



الحل
'
"لا يُلدغ مؤمنٌ من جحر مرتين" متفق عليه

هذا الحديث من جوامع كلمه صلى الله عليه وسلم، فينبغي للمؤمن أن يكون كيِّساً فطناً متيقظاً، إذا أخطأ في المرة الأولى أن يستفيد من خطئه الأول بأن لا يقع فيه ثانية، وإذا لدغ من جحر مرة أن يحذر ويحتاط منه بعد.

اختي
هذه الطيبه الموجوده لديهم مفروض ان يتعامل معها من يستحقها وخاصة المومن بالله ورسوله ومفروض ان ايتعض
من الاشخاص (المصلحجيه) وان يكون قوي القرار ان الله يحب قلب المومن القوي ولايحب المومن الضعيف وخاصه في هذه الدنيا بس توقعي المتواضع لايوجد رجل في هذا الزمان بهذه الدرجه احتمال امراة لكونهم قلوبهم ضعيفه شكرا على دعوتك عذرا اذا كان جوابي غير جيد

[ROMANCE]

طبعا أول شي دموعـه ..

أشكرج على ثقتج الحلوة بية وتسلمين

على هالثقه الي توثقيها برأيي وان شاء الله اصفنلج بيهـا وبمساعدة أمـي لأن أمـي هسة طلعت كَـالت كولها بس امي ترجع تفكرلج بحل واكَـولجيا اني :4:

واردلج خبر إن شاء الله


تحياتي ألج..

[عمرالصدامي]

ااااااااااااااااا

[دمـ ع ـة بـ غ ـداد]

عباااس منور عيوني
بأنتظارك انت وامك
و سلملي عليها :4:

[حبيبة سيف العروبه]

الغاليه انا كنت اعاني من هالمشكله دمعتي جاااهزه وبسرعه انجرح بس فكرت فيها دام انا احب هالانسان وادور راحتها واعرفه عدل وهو بعد يعرفني عدل وحزات يجرحني اكيد بيعرف انه جرحني او تحسست من الفعل اللي هو سووواه والله بقوولج الصج انا شلون غيرت نفسي من القهر اللي يصيدني بكل سهوووله قلت لنفسي ليش اتعب واتعذب وهم مرتاحين ويدرون انهم جرحوووني شررررررررررررررررريت راااااحت بااالي ومن اسمع كلمه تجرحني او يقولون شي يجرحني صرت ارد عليهم برووود واناقشهم في الموظظوع واقهرهم مثل مايقهرووني واتخذت قرار مع نفسي اول مره اعديها ثاني مره هم اعديها بس بعد ما ارد عليهم ثالث مره نفسي تطيب منهم واتركهم لنفسهم اللي بدون احساااااس ,,,الغاليه اشتري رااااحة باااالج محد دااااري عنج ولا حد ينفعج في هالزمن..

[ابن ديالى]

السلام عليكم ورحمة الله وبركاته
عزيزتي دمعة بغداد
هذا الشخص يتطلب منه ان يراجع حساباته وان يميز الناس اللي تحبه وتريد وده وبين الناس اللي تريد تقضي حاجتها على حساب غيرها,
لان هذ الانسان مغلوب على امره ولا يملك مقاومة ضد مشاعره واحاسيسه اللا محدودة تجاه الاخرين ,
فيستحسن ان يخطي خطوة خارج سرب هذه المثاليات ..
ولله كريم