.*.عندي مشكلة.*.

[دمـ ع ـة بـ غ ـداد]

سلام عليكم

شلونكم ؟ بخير ياارب

عندي مشكلة يمكن هواية الي يدرسون يعانون منهاا

يمكن الكي الحل يمكم

اني كلش ما احب ادرس صايرة مادري ليش و بس الزم الكتاب انعسس

و بس اريد انام و تقفل عيني وانام والكتاب بأيدي هالحالة حتى قبل من جنت شاطرة

و سالفة انه ماحب ادرس لان واهسي مكسور لان درجتي بلرياضيات نص السنة

مو زينة و اثرت على معدلي كلش وانكسر واهسي من وراها وحتى لو اعوض

رح يبقى معدلي مو زين لان اكو كم قانون هنا سالفتة سالفة طويلة ميخلي المعدل

يصعد :(

واسبوع الجاي داخلة امتحانات اخر السنة وشايلة هم ماعرف شسوي:(

اريد اجيب معدل زين :(

[ذكـرى]

السلام عليكم ورحمه الله وبركاته
حياتي لازم اول شي تنسين شي اسمه واهس
الغي هاي الكلمه من قاموسج .. لان اذا اجينا ع الواهس وعلى حب الدراسه فـ مراح تلكَين شخص يحب الدراسه وتعبها بس اكو شخص يعرف مصلحة نفسه ويعرف يحافظ على مستقبله فيضغط على نفسه , وبأرادته القوية وبأصراره يلزم الكتاب ويعتبر نفسه بمعركه ويا لحد ما يتغلب عليه وياخذ الي يريده منه , يا حبيبتي خلي ببالج انه اليوم الي يروح منج ما يرجع , وانه كل ساعه دتروح بدون دراسه تأثر عليج وعلى معدلج .. واذا جانت درجة الرياضيات مو زينه
فـ بهذا الاهمال والتكاسل راح تحصلين على درجات قليله بالمواد الباقيه هم .. والمصيبة تصير مصيبتين اذا مو تلاثة واربعه والله يكفيج شر المصايب والقهر بس والله احجي لمصلحتج ..
اريد منج تفكرين لـ بعيد .. يعني اعتبري نفسج مخلصه الامتحانات واستلمتي النتائج ولكَيتي فلان مادة وفلان مادة درجاتها قليله .. كَليلي شنو موقفج ؟؟ وشكَد راح تتندمين على كل لحظة ضاعت منج بدون ما تقرين بيها حتى ترفعين من هذه الدرجات .. او فكري بيوم الامتحان وانتي بالقاعه وكَدامج ورقه الاسئلة ومدتعرفين تجاوبين على السؤال الفلاني مع انه هو مار عليج .. ليش ؟؟
لان قريتي باهمال وما حفظتيه فراح من بالج وبالتالي راحت الدرجة .. تخيلي الالم والحسره والقهر بيومها ... تخيلي حزنج على الدرجات الي راحت منج .. تخيلي قهر الاهل وهمه شايفيج ع النت ووية الصديقات وع التلفزيوون مصحصحه واول ما تلزمين الكتاب تنعسين .. وتخيلي قهرهم من يشوفون شهادتج ودرجاتج القليله ومن يلوموج ويكولوج هاا فلانه تتذكرين شلون تكضين ليلج ونهارج على النت وعايفه مستقبلج .. وووالخ من العتب والملامه الي انتي في غنى عنها .. فيا حبيبتي يا عمري احسن شي تتعوذين من الشيطان الرجيم وتتوكلين على الله وتضغطين على نفسج ولو مؤقتا علما تخلص الامتحانات وبعدها نعسي ولعبي ونامي على راااااحتج لان انتي مخلصه الواجبات الي عليج وفرحانه وراضيه عن نفسج ومرضيه اهلج عليج
الله يووفقج يا رب وان شاء الله تكونين من الاوائل
اسفه على الاطاله
اختج
ذكـرى

[دمـ ع ـة بـ غ ـداد]

حياتي حجيج كلش يريح وكلش على عيني و راسي
واني من ناحية بوكت الامتحانات ادرس كلش هواية يعني
ماشوف الانترنت ولا التلفزيون اكعد على الكتاب اكلة اكل
خصوصا بنص السنة جنت حتى مريضة كلش ولو الرياضيات جان جبت 95
بس نزل معدلي لل 87 واول مرة بحياتي اجيب هيج معدل جنت دائما 98
ف تخيلي شلون صدمة جانت بالنسبة الي لان بكل المواد زينة درجاتي
الة الرياضيات ووو معدلي مال صف خامس رح ينجمع ويا صف سادس
و حتى لو صف السادس اجيب 100 من 100 معدل رح ينزل بسبب معدلي مال صف خامس
:( ف هيج يعني داحس شكد مرح اقرة و اجيب درجة عدلة هم رح يبقى معدلي مثل ماهو
والمشكلة اني افتهم بس يم الورقة ماعرف احل خصوصا المواد العلمية
كلش خايفة والله وخايفة من الحجي الي كلتيه لان افكر بي
ماريد احد يلومني بس اني ادرس كلش خايفة من الرياضيات والفيزيا وكيميا مسويلي رعب والله
داحلم اطلع كمال مع انه مدرسين مالتنا يساعدونا بلدرجات بس هم خايفة كلش:(
ومن ناحية الواهس ف حدث ولا حرج صايرة كلش مهملة بلدراسة للاسف بس يارب ان شاءالله الله يوفقني
مداعرف شلون افتهم المادة اريد اصير مثل الشطار يجيبون درجات كاملة
اريد بس انجح بهالمواد وخلص
:( الله يستر و يوفقني ويوفق الجميع يارب
مشكورة حبيبتي على كلامج و كلش اخذتة بعين الاعتبار
ادعيلي بس ..

[ذكـرى]

حياتي حجيج كلش يريح وكلش على عيني و راسي
واني من ناحية بوكت الامتحانات ادرس كلش هواية يعني
ماشوف الانترنت ولا التلفزيون اكعد على الكتاب اكلة اكل
خصوصا بنص السنة جنت حتى مريضة كلش ولو الرياضيات جان جبت 95
بس نزل معدلي لل 87 واول مرة بحياتي اجيب هيج معدل جنت دائما 98
ف تخيلي شلون صدمة جانت بالنسبة الي لان بكل المواد زينة درجاتي
الة الرياضيات ووو معدلي مال صف خامس رح ينجمع ويا صف سادس
و حتى لو صف السادس اجيب 100 من 100 معدل رح ينزل بسبب معدلي مال صف خامس
:( ف هيج يعني داحس شكد مرح اقرة و اجيب درجة عدلة هم رح يبقى معدلي مثل ماهو
والمشكلة اني افتهم بس يم الورقة ماعرف احل خصوصا المواد العلمية
كلش خايفة والله وخايفة من الحجي الي كلتيه لان افكر بي
ماريد احد يلومني بس اني ادرس كلش خايفة من الرياضيات والفيزيا وكيميا مسويلي رعب والله
داحلم اطلع كمال مع انه مدرسين مالتنا يساعدونا بلدرجات بس هم خايفة كلش:(
ومن ناحية الواهس ف حدث ولا حرج صايرة كلش مهملة بلدراسة للاسف بس يارب ان شاءالله الله يوفقني
مداعرف شلون افتهم المادة اريد اصير مثل الشطار يجيبون درجات كاملة
اريد بس انجح بهالمواد وخلص
:( الله يستر و يوفقني ويوفق الجميع يارب
مشكورة حبيبتي على كلامج و كلش اخذتة بعين الاعتبار
ادعيلي بس ..

هلو حبي
تسلمين عمري
يسلم كَلبج وراسج وعيونج الحلوة
تدرين والله فرحت وانقهرت من عرفت بيج هيجي شاطره
فرحتي لان نظرتي عليج واعجابي بيج طلع بمحله وطلعتي تستحقين كل الاعجاب والحب والتقدير
ما دامج هيجي شاطره وعندج غيره بالدراسه
وانقهرت حيل لان هيجي شاطره نزل معدلها وراح ولو قسم من تعبها ..
شوفي حياتي انتي كلامج كله صحيح وفعلا معدلج قل بس فكري اذا اهملتي دراستج معدلج راح يقل اكثر واكثر ويزيد القهر يعني يمكن الـ 87 تصير75
وتنقهرين وتتعب نفسيتج اكثر .. فحاولي تلحكين على نفسج وترفعين من درجاتج الباقيه قدر الامكان حتى لا يبين خلل جبير بالمعدل وخلي ببالج اذا انتي تقرين وحريصة على دراستج محد راح يلومج لان اكيد اهلج الله يخليهم كلهم نظر وديشوفون ينتهم شكد تعبانه نفسيا وجسديا من ورا دراستها ويدرون بيج دتسوين العليج فمستحيل يلوموج بيوم من الايام
وانتي هم خلي ثقتج بنفسج وبالله سبحانه وتعالى جبيره وتوكلي على الله واقري اكثر واكثر ولا تكولين اصير مثل الشطار الي يجيبون درجات كامله لان انتي اصلا وحدة منهم واني متاكده انه ولا واحد من اللي وياج اكثر منج بالذكاء او احرص منج على دراسته فلا تتمنين شي موجود عندج حبيبتي :)
ان شاء الله يا رب تجيبين احسن الدرجات وتتفوقين واني الله يشهد ادعيلج من كَلب صادق انه الله يوفقج ويسهل عليج الدراسه ويقوي ارادتج ويبعد عنج كل المشااكل حتى تركزين بالدراسه وبس
اختج
ذكـرى

[The Princess]

دمعه بغداد..
هاي الحاله دتصير هوايا ويه الطلبه..فا لاتقلقين
المهم تركزين على شغلات مهمه..
1- من تجربه شخصيه المذاكره الصبح الها مفعول قووي..يعني كعدي وصلي الفجر وسوي كهوه حتى تصحصحين والزمي كتابج وابدي بالمذاكره..
2- من تخلصين اي درس ..حددي بالقلم النقاط المهمه الي بيه.
3- بعد نص ساعه لازم تاخذين راحه 5 دقايق .
4- من تخلصين الكتاب..اهم شي المراجعه..صدكيني اهم من المذاكره نفسها ومن تراجعين ركزي على الربط بين المعلومات وراجعي الي حددتي قبل..يعني لاتتعمقين بالتفاصيل الصغيره.
5- بالمدرسه لاتحجين هوايا ويه زملائج حتى ماتضيعين معلوماتج ..الزمي كتابج وسوي مراجعه سريعه على العناوين الرئيسيه لو القاعدات الرئيسيه.
6- كعدتي على الكرسي..كوللي "اللهم ياولي نعمتي وملاذي عند كربتي اجعل هذا الامتحان بردا وسلاما عليه كما جعلت النار بردا وسلاما على سيدنا ابراهيم"

وانشاءلله حتاخذين الدرجه الكامله ,وتجين تبشرينا :)

تحياتي :53:

[ஓ♥ღهيبة ملكღ♥ஓ]

شوفي راح اكلج كلمه
انسي كل شيء وراج
حاولي بكل ماتحملين من قوة العقل بان تنسي
وان تفكري بالدراسه

[دمـ ع ـة بـ غ ـداد]

حبيبتي ذكرى كلش رفعتي معنوياتي بحجيج والله
وهيج كلش اجاني واهس هسة اكوم ادرس واراجع المواد قبل الامتحان
كلش شكرا على حجيج و نصائحج لان صدك انرفعت معنوياتي لان اني
شكد ما اقرة وادرس ماما مستحيل تكول علية شاطرة لان طبعا تريد اكثر
يعني بين قوسين مترفع معنوياتي بناحية الشطارة لان هي اشطر مني من جانت صغيرة
ف كلش فرحتيني بحجيج فديتج وان شاءالله يارب ابشرج بدرجات زينة
وابقي ادعيلي

[دمـ ع ـة بـ غ ـداد]

نور الوطن عيوني كل الحجي كلتيه صحيح
بس اني من نوع الصبح ماحب ادرس ابد ابد
و اكون منعسة و اكول مستحيل اكطع نومتي على دراستي
بعيد عنج اني تنبل مال نوم بس طريقتج كلش حلوة وصحيحة
بس انفذها بوقت ثاني الي دماغي مفتح بيها و ان شاءالله
هاي الطريقة بس تبدي امتحاناتي رح ابدي بيها
و شغلة المراجعة كلش مهمة كلش خوش نقطة
مشكورة عيوني على النصائح و ان شاءالله تتنفذ كلها
والدعاء رح اكتبة بورقة واحفظة ان شاءالله مشكورة الله لايحرمني منكم
و ابشرج بلدرجات هم :4:

[دمـ ع ـة بـ غ ـداد]

شوفي راح اكلج كلمه
انسي كل شيء وراج
حاولي بكل ماتحملين من قوة العقل بان تنسي
وان تفكري بالدراسه


هو هم هيج رح اسوي
مشكور عيوني على المشاركة
منور

[فيصل72]

اهلا اختي الكريمة دموعة

اولا انت جيدة في معدلاتك و لا داعي للخوف

ثانيا الثقة بالنفس هي اسباب النجاح...ثقي بانك متفوقة و ممتازة (لا تتكاسلين هه)

ثالثا صحيح المواد العلمية مزعجة بعض الشيء بالنسبة للبنات لكن عليك باعادة الدروس و فهمها جيدا بعدها قومي بالتمارين البسيطة جدا عدة مرات حتى و ان لزم الامر اعادة التمرين نفسه.

حتى تفهمي القواعد في الرياضيات و الفيزياء و كذلك الكيمياء.

من بعد ترتقين الى الاصعب و ما فيه مشكلة ان لم تستطيعي الحل من اول مرة.

ضعي نصب عينيك انك ستجدين الحل في كل مشكل (دون استعمال الحلول قبل المحاولات).

اما في ما يخص المواد التي تعتمد على الحفظ فان القيام باكرا هو من اهم الوسائل في الحفظ

و كذلك اعادة الحفظ مرات و مرات حتى لا تنسي ما حفظت سابقا.

و لتتخلصي من النوم نظمي وقت الراحة ووقت المراجعة و استعيني بالورقة و القلم و انت تراجعين.



اتمنى ان اكون قد افدتك مثلما افدت تلاميذي.

تقبلي فائق التقدير و الاحترام

[بغدادية]

هاي دموووعة
يارب تكونيين بخير دووم



شوفي تره كلنا مرينا بهل مرحلةةة
بس صدكيني مثل ما الكل كالولج
لاتخلين هل تفكير سلبي يسيطر
عليج ابد ولاتكولين ماعندج واهس
واقري مثلا نص او ثلاث ارباع الساعة
وبعدين اخذي بريك شويه اتمشي
او سمعي اغنية هايه اني مجربتها
زين وانتي معدلاتج لاباس بيها
بس بقى تركزين شويه حتى
اتجيبين النتيجة الي تريديها
وخلي ثقتج بنفسج وبالله






بالتوفيق الج يارب









تحية
بغدادية

[دمـ ع ـة بـ غ ـداد]

اهلا اختي الكريمة دموعة

اولا انت جيدة في معدلاتك و لا داعي للخوف

ثانيا الثقة بالنفس هي اسباب النجاح...ثقي بانك متفوقة و ممتازة (لا تتكاسلين هه)

ثالثا صحيح المواد العلمية مزعجة بعض الشيء بالنسبة للبنات لكن عليك باعادة الدروس و فهمها جيدا بعدها قومي بالتمارين البسيطة جدا عدة مرات حتى و ان لزم الامر اعادة التمرين نفسه.

حتى تفهمي القواعد في الرياضيات و الفيزياء و كذلك الكيمياء.

من بعد ترتقين الى الاصعب و ما فيه مشكلة ان لم تستطيعي الحل من اول مرة.

ضعي نصب عينيك انك ستجدين الحل في كل مشكل (دون استعمال الحلول قبل المحاولات).

اما في ما يخص المواد التي تعتمد على الحفظ فان القيام باكرا هو من اهم الوسائل في الحفظ

و كذلك اعادة الحفظ مرات و مرات حتى لا تنسي ما حفظت سابقا.

و لتتخلصي من النوم نظمي وقت الراحة ووقت المراجعة و استعيني بالورقة و القلم و انت تراجعين.



اتمنى ان اكون قد افدتك مثلما افدت تلاميذي.

تقبلي فائق التقدير و الاحترام


والله خيي كلامك مية مية
اليوم استلمت شهادة الشهرية و درجتي بلرياضيات تكسر الضهر
بس معدلي 93 بس بلرياضيات ماخذة مقبول :(
بس يلا الله كريم
مشكور خيي رح امشي على نصايحك و احاول انظم نفسي و اكعد الصبح ادرس
منور عيوني الف شكر على كلامك ونصائحك

[دمـ ع ـة بـ غ ـداد]

هاي دموووعة

يارب تكونيين بخير دووم



شوفي تره كلنا مرينا بهل مرحلةةة
بس صدكيني مثل ما الكل كالولج
لاتخلين هل تفكير سلبي يسيطر
عليج ابد ولاتكولين ماعندج واهس
واقري مثلا نص او ثلاث ارباع الساعة
وبعدين اخذي بريك شويه اتمشي
او سمعي اغنية هايه اني مجربتها
زين وانتي معدلاتج لاباس بيها
بس بقى تركزين شويه حتى
اتجيبين النتيجة الي تريديها
وخلي ثقتج بنفسج وبالله






بالتوفيق الج يارب









تحية

بغدادية



الله كريم حسمع كلامكم ان شاءالله وامشي بنصائحكم
الف شكر عيوني على مساعدتج ونصيحتج
منورة

[ذكـرى]

حبيبتي ذكرى كلش رفعتي معنوياتي بحجيج والله
وهيج كلش اجاني واهس هسة اكوم ادرس واراجع المواد قبل الامتحان
كلش شكرا على حجيج و نصائحج لان صدك انرفعت معنوياتي لان اني
شكد ما اقرة وادرس ماما مستحيل تكول علية شاطرة لان طبعا تريد اكثر
يعني بين قوسين مترفع معنوياتي بناحية الشطارة لان هي اشطر مني من جانت صغيرة
ف كلش فرحتيني بحجيج فديتج وان شاءالله يارب ابشرج بدرجات زينة
وابقي ادعيلي

حبيبتي انتي الحمد لله كدرت اساعدج بشي ويا رب يا اللهي يوفقج وان شاء الله
تظلين دومج متوفقه وتظل ثقتج بنفسج عاليه ومثل الورد
والف مبروك على معدل الـ 93 يا شطورة والله معدل توب وان شاء الله تجيبين احسن واحسن منه
وتتوفقين وتظلين فرحانه دوم
تحياتي اختج ذكرى

[ســلـطـــآن زمـــآنــه]

دعاء دخول الامتحانات 000

--------------------------------------------------------------------------------

بسم الله

السلام عليكم طبعا فى منا خاشين على امتحانات وهذه بعض الادعية انشالله تستفيدوا منها

دعاء عند بداية المذاكرة

اللهم انى اسالك فهم النبيين وحفظ المرسلين والملائكة المقربين.

اللهم اجعل السنتنا عامرة بذكرك وقلوبنا بخشيتك واسرارنا بطاعتك، وانت على كل شئ قدير وحسبنا الله ونعم الوكيل

دعاء عند التوجه للامتحانات

اللهم انى توكلت عليك وسلمت امرى اليك لا ملجا ولا منجى منك الا اليك

دعاء عند دخول لجنة الامتحانات

ربى ادخلنى مدخل صدق واخرجنى مخرج صدقا واجعل لى من لدنك سلطانا نصيرا

دعاء عند بداية الاجابة

ربى اشرح لى صدرى ويسر لى امرى واحلل عقدة من لسانى يفقهو قولى. بسم الله الفتاح ، اللهم سهل الا ماجعلته انت سهلا وانت تجعل الصعب انشئت

سهلا

دعاء عند تعسر الامتحان

لا اله الا انت سبحانك انى كنت من الظالمين ، ياحى يا قيوم برحمتك استغيث اصلح لى شانى كله ولاتكلنى الى نفسى طرفة عين، ربى انى مسنى الضر

وانت ارحم الرحمين

دعاء عند النسيان

اللهم يا جامع الناس الى يوم لا ريب فيه رد الى حاجتى وانت ارحم الراحمين

دعاء عند نهاية الاجابة

الحمدالله الذى هدانا لهذا وماكنا لنهتدى لولا ان هدانا الله رب العالمين



و بالتوفيق للجميع وانشالله بالنجاح كلكم

[صداميه واسمي يهز الكاع]

حبيبة قلبي دموعه

انتي الظاهر اكو فد موضوع شاغلج بالج ومأثر على تركيزج بالدراسه

عادي حبي كلنا بهيج مرحله مرينه بهالموضوع
وفعلا شي مزعج
بس لازم تصفيين بالج وتركيين كلشي وراج
وتخليين كل تفكيرج وتركيزج ع الدراسه لان هذا مستقبلج قلبي

ومستقبلج حاليا اهم من اي شي ثاني


واتمنالج كل الموفقيه حبيبتي

ودي

[دمـ ع ـة بـ غ ـداد]

تسلمون حبايب و اني خلصت امتحانات واشكركم
على مساعدتكم و دعائكم الي
و نجحت الحمدالله وخلصت من هم الامتحانات :4:

[روكان]

مساءالخير عزيزتي دمعة بغداد احب اضيف الج نصية انشاء الله تفيدج . لازم ايكون عندج ثقة بنفسج وتكولين اني ارفع من هاذا المستوى ولازم اتكونين قدوة بين صديقاتج وتحافضين على على هاذا البدء حتى تكدرين تكملين المسيرة. وماريد اطول مع تحياتي الج بلنجاح والتوفيق

[اسد ديالى المجاهدة]

شوفي راح اكلج كلمه
انسي كل شيء وراج
حاولي بكل ماتحملين من قوة العقل بان تنسي
وان تفكري بالدراسه



:101:

[عاشق الذكرى]

اختي العزيزه اعذريني بهاي الشغلات لان جنت اعاني منها قبل وماخلصت امتحانات الا اني ميت وبالدفرات والجلاليق يلا طلعت معدل 87 وماجنت اظن ينزل معدلي لهاي الدرجه جنت مخلي امالي على ان اطلع الاول على المدرسه بس يالي الاسف اكو طلاب ثنين اعلى من معدلي وتعقدت من هاي شغلات الدراسه ومن كثر تعقيدي من موضوع الدراسه تركت الدراسه واني مرحله ثانيه للكليه وللعلم جنت القسم الي بيه اني كلش حلووو هندسه والتالي بطلت وتركت كل شي ولو هاذا سبب غير مقنع للدراسه بس اكو هوايه اسباب وهاذا من ضمنها ويمكن وعلى مااظن سعد عندو اطلاع على معظم اسباب الي مرينا بيها تحياتي للجميع

اخوكم عاشق الذكرى

[The Princess]

up مادام هذا وقت امتحانات حتى يستفاد الكل :thumbup:

[صدا]

حبيبتي الغاليه الحل الوحيـــــد الي تريد ترجعي مثل أول هـــو تشجعي روحج ولا تقولي مالي واهس أو ماريد أدرس لا فكري ان توصلي لهدفج حبيبتي :101 (7):

[مدريدي88]

تجربتي الشخصية:
طبعاً لا اريد ان ازيد اكثر من ما قالة الاعضاء من قبلي كافي و وافي

قبل كل شي لازم تضعين هدف امامك قبل القراءة و تكولي ليش اقره, لأن حتى احصل على معدل زين يدخلني الكلية ا اللي اريدها....هذا ينطيج حافز تواصلي القراءة بدون هدف امامك اكيد راح تكولي ليش اقره يلا يا معودة ماكو فرق كلية او معهد بالنهاية هي شهادة!!



- حاولي تقرين بوقتج المفضل

- عند القراءة حاولي كتابة ما قرائته مو بس تقرين مثل الببغاء!

- عند يوم الامتحان, يجب ان تنامي على الاقل 9 ساعات قبل الامتحان

- لا تستمعي الى اصدقائج واحد يكول هذا المهم و و احد يكول لا هذا المهم

- و اخيراً لابأس بمراجعة سريعة قبل الامتحان





اتمنى هذا يساعدج و تمنياتي الج و لكل عراقيين بالنجاح و الموفقية

[ياصغير مايكبرني لقب]

اتوقع خلصت الامتحانات وان شاء نسمع هاليومين ان ربي عطانا عمر خبر نجاحك موعه بالتوفيق يارب

[مصطفى محمد الحدوشي]

والله هيا مشكلتج الها حل واعرف بس مراح اكلج لان نجحجتي

وطلعتي خوش معدل وماكو داعي للقلق والخوف راح تنحجين

اطمأني

[دمـ ع ـة بـ غ ـداد]

مع انه الموضوع قديم

بس تسلمون حبايب الله يخليكم

اي وخلصت امتحانات ونجحت وخوش معدل :4:

[علاء الناصري]

انتي تكولين من اكضب الكتاب تجيني انعس ما تكوليلي لعد منين راح تجيبن معدل اذا انتي كل النهار منعسة


اقري وجيبي معدل لان محد يفيدج بهذا الوكت الاكشر


تقبلي مروري